Atraksione, Ushqim dhe Sekrete që Shqiptarët Nuk i Dinë

Roma është një nga qytetet më të vizituara në botë – por edhe një nga ato vende që të surprizon çdo herë, nëse di ku të kërkosh. Në këtë udhëzues të detajuar për 3 ditë në Romë, do të gjesh atraksionet klasike që duhen parë, por edhe disa sekrete që shumë shqiptarë nuk i kanë dëgjuar kurrë.

📍 Dita 1 – Roma e Lashtë & Qendra Historike

Mëngjesi:

• Fillo ditën te Colosseo, por mos hy menjëherë! Shko herët për ta parë bosh dhe bëj foto magjike nga jashtë.
• Vazhdo me Forumin Romak dhe Palatin Hill – merr biletën kombo online për të shmangur radhët (rreth 18 euro totali për të dyja).

Dreka:

• Dreko te Trattoria Luzzi, vetëm 5 minuta nga Colosseo – një pjatë pasta e ngrohtë dhe verë shtëpie për më pak se 10 euro.

Pasdite:

• Shëtit në Piazza Venezia dhe ngjitu në Altare della Patria (pamje spektakolare falas nga taraca).
• Shko në Pantheon dhe në Piazza Navona, ku shpesh ka muzikantë, artistë dhe atmosfera tipike romake.

Darka:

• Darko në Trastevere – një nga lagjet më autentike të Romës.
• Provo “cacio e pepe” te Osteria Da Zi Umberto dhe mbylle mbrëmjen me një gelato nga “Fior di Luna”.

📍 Dita 2 – Vatikani & Udhëtime të Papritura

Mëngjesi:

• Vizito Bazilikën e Shën Pjetrit që në orën 7:00 për të shmangur radhët.
• Ngjitu në kupolën e Bazilikës për një pamje që s’të harrohet – kosto: rreth 8 euro.

Sekret: Njerëzit mendojnë që duhen miliona për të parë Vatikani, por hyrja në Bazilikë është falas, dhe vetëm Muzeu i Vatikanit ka pagesë (me ditë të caktuara falas – zakonisht e diela e fundit e muajit).

Dreka:

• Dreko pranë Castel Sant’Angelo. Ka shumë restorante për turistë, por provo “Da Romolo alla Mole Adriana” për cilësi vendase.

Pasdite:

• Shëtit në Borgo Pio, një rrugicë fantastike që shumica e turistëve nuk e dinë. Uluni për një espresso ose limoncello.
• Vizito Campo de’ Fiori – tregu lokal dhe vend ideal për suvenire me çmime të arsyeshme.

Darka:

• Një darkë romantike ose qetësuese te Piazza della Rotonda, përballë Pantheon – shijo atmosferën, edhe vetëm me një gotë verë.

📍 Dita 3 – Roma Jashtë Kartolinës

Mëngjesi:

• Shko në Quartiere Coppedè – një lagje me arkitekturë të pazakontë, gotike dhe fantastike për Instagram.
• Pastaj, vizito Piramidën e Cestios – po, Roma ka një piramidë e ndërtuar në shek. I para erës sonë!

Dreka:

• Provo “trapizzino” – një sanduiç i veçantë romak që gjen vetëm këtu. Gjej një pikë të “Trapizzino” afër stacionit Termini ose Ponte Milvio.

Pasdite:

• Merr një çikë kohë për të pushuar në Villa Borghese – shëtit, bëj piknik ose merr biçikletë me qira.
• Mos e humb pamjen nga Terrazza del Pincio në perëndim të diellit – një nga panoramat më të bukura në Europë.

Darka:

• Nëse ke ende energji, darko në Testaccio – zona ku hanë vetë romakët. Provo “Da Felice a Testaccio” për një përvojë që nuk harrohet.

---

🎯 Sekrete dhe Këshilla që Shqiptarët Nuk i Dinë (por duhet t’i dinë):

• Bli ujin në supermarkete, jo në kioskë – kursen 2-3 euro për shishe!
• Autobusët nuk kanë kontrollorë gjithmonë, por nëse të kapin pa biletë, gjoba është e lartë. Bli biletë urbane nga Tabacchi për 1.50 euro.
• Disa restorante të njohura kanë menu të fshehtë në shqip (shumë shqiptarë punojnë atje) – mjafton të pyesësh me buzëqeshje!
• Nëse ke pasaportë shqiptare, mund të hysh lirisht në të gjitha vendet e Italisë për 90 ditë – nuk të duhet vizë.
• Kartat bankare shqiptare funksionojnë, por shumë restorante lokale pranojnë vetëm cash – merr gjithmonë euro me vete.
• Bëj roaming nqs të nevojitet. Përndryshe mund të blesh një numër italian në Romë. Mos e blej në aeroport se kushton më shumë.

---

Roma është për t’u shijuar me hapa të ngadaltë, jo për t’u rendur si turist. Merr frymë, shiko përreth, dhe zbulo magjinë në çdo cep të saj. Plus, po të pëlqeu, shko prapë. Roma nuk u ndërtua brenda ditës, e as shikohet për një muaj.

🎟️ Rezervo tani udhëtimin tënd me 10 Euro Travel dhe jeto këto tre ditë si një italian i vërtetë – por me zemër shqiptari!