Mënyra më e Shpejtë për t’u ndjerë si Italian i vërtetë
Milano është më shumë se thjesht modë, Duomo dhe selfie te Galeria. Është një qytet që të fut menjëherë në ritmin e jetës italiane – me kafe ekspres të shpejtë, aperitivo në perëndim të diellit dhe stile që frymëzojnë edhe kur je vetëm për fundjavë. Ky udhëzues të tregon si t’i shijosh të gjitha brenda 48 orëve, si një milanez i vërtetë.
🛬 Si të Shkosh dhe Si të Lëvizësh
- Fluturime direkte nga Tirana – zakonisht 2-3 herë në ditë.
- Aeroporti më i zakonshëm është Bergamo (BGY), – merr autobusin për 1 orë (bileta online 10 euro). Ka dhe nga Malpensa.
- Në qytet, transporti urban është i organizuar mirë – metroja është më e shpejta. Një biletë kushton 2.20 euro dhe vlen për 90 minuta.
📍 Dita 1 – Milano Klasik & Kafe me Stil
Mëngjesi:
- Fillon me një kafe ekspres në këmbë te Marchesi 1824 (duket si nga një film i Fellinit).
- Vazhdo drejt Duomo di Milano – hyrja në katedrale dhe ngjitja në tarracë janë dy eksperienca krejt të ndryshme. Taraca është MUST për pamjen.
Sekret për shqiptarët: Shumë nuk e dinë që në pjesën e pasme të Duomos, ka një ashensor të fshehtë që të kursen ngjitjen me shkallë. Bileta “Fast Track” ia vlen për këtë.
Kujdes xhepat tek piazza. Mos lejo të të dhurojnë byrzylyk, nuk është dhuratë.
Dreka:
- Dreko pranë Galeria Vittorio Emanuele II – jo në restorantet turistike brenda galerisë, por në rrugicat mbrapa saj.
- Sugjerim: “Luini” për panzerotti – i shijshëm dhe legjendar (vetëm 3-4 euro).
Pasdite:
- Vizito Castello Sforzesco dhe bëj një shëtitje në Parco Sempione.
- Shko te Arco della Pace për një pije në një nga baret buzë sheshit.
Darka:
- Kohë për aperitivo – një zakon milanez: për 10-12 euro merr një koktejl + ushqim buffet. Provo te Radetzky Café ose Nottingham Forest Bar për diçka më speciale.
📍 Dita 2 – Sekrete Lokale & Shopping për të Gjitha Buxhetet
Mëngjesi:
- Zgjohu herët dhe vizito lagjen Brera – atmosferë boheme, galeri arti dhe rrugë me kalldrëm.
- Pini një cappuccino në “Panini Durini” dhe shijo milanezët që nxitohen për në punë, me stil.
Dreka:
- Provo një pjatë të thjeshtë por autentike si “cotoletta alla milanese” – te “Trattoria Milanese” do ta gjesh me shije të vërtetë.
Pasdite:
- Shopping time! Po, Milano është qyteti i modës, por ka për çdo xhep:
- Corso Buenos Aires – për markat normale (Zara, H&M, Pull&Bear)
- Via Torino – për rroba rinore dhe aksesorë të lirë
- Quadrilatero della Moda – vetëm për të shikuar (Gucci, Prada, Versace) dhe ëndërruar. Nqs gjen një rrobë me 100 euro, mendo që mund të bësh udhëtim tjetër me ato lekë, shkon dhe në Pragë.
Opsional: Nëse ke kohë, merr trenin për 30 minuta drejt Liqenit Como për një pasdite magjike buzë liqenit (më mirë nëse qëndron 3 ditë). Për Bernina Express ju themi një herë tjetër.
Darka:
- Për darkën e fundit, provo Navigli – zona me kanalet e famshme. Atmosferë relaksuese, ndriçim romantik dhe kuzhinë vendase.
- Sugjerim: “Osteria del Gnocco Fritto” – emër i çuditshëm, por ushqimi është spektakolar.
🇦🇱 Këshilla për Shqiptarët në Milano:
- Kartat shqiptare punojnë kudo, por Milano ka shumë vende që preferojnë pagesa me kartë – bëhu gati!
- Internet? Mos merr kartë SIM – përdor vetëm WiFi-t e shumta që ka qyteti (shumë kafene janë pa fjalëkalim).
- Fjala magjike për të hapur dyer: Thuaj “Ciao!” dhe buzëqesh. Milanezët janë më të rezervuar, por shumë të sjellshëm. Mos ua vur re nqs të shohin shtrembër, janë duke numëruar lekët në mendjen e tyre (janë njerëz të stresuar).
- Uji në rubinet është i pijshëm, edhe në shatërvanët publikë.
🎒 Mos Harro të Vizitosh:
- Librarinë më të bukur në qytet: Libreria Bocca në galeri.
- Stacionin Milano Centrale – duket si një pallat, jo si një stacion treni.
- “Secret Milan” tours – mund të bësh një tur me vetëm 10-15 euro dhe të zbulosh bunkerë, ndërtesa futuriste e madje edhe katakomba
Milano është perfekt për një fundjavë – të jep ndjesinë e Italisë moderne, elegante, por edhe plot shpirt. Dhe me një fluturim të shkurtër nga Tirana, është mënyra më e shpejtë për t’u ndjerë si një italian i vërtetë.
🎟️ Rezervo tani me 10 Euro Travel dhe shijo stilin, shijen dhe surprizat e Milanos!
Leave a Reply